Bhakti Theological Songs 1441 to 1445
1441 சஞ்சலம் ஏன்
என்மீது நீகொண்ட
பாசத்தை எண்ணிட
விழியோரம் நீர்சேர
இருகரம் குவியும்
கைமாறு செய்ய
இயலாத போதும்
உன்மீது வைத்த
நம்பிக்கைப் பெருகும்
எனக்கெனத் தனிவாழ்வை
நானுமே எண்ணாமல்
என்னிலே நீவாழ
என்னுள்ளம் விழையும்
சிலநேரம் தடுமாறி
சஞ்சலம் கொண்டாலும்
திரும்பவும் என்மனம்
உன்னையேத் தேடும்
என்குணம் அறிந்து
அதற்கேற்ப நடக்கும்
உன்குணம் தனைஎண்ணி
உள்ளமும் மகிழும்
இதுபோல அனுதினம்
வாழ்வும் இருக்காதா
என்றே என்மனம்
ஏங்கியேத் தவிக்கும்
அதற்குத் தடையாக
இருபது நீயல்ல
என்பதை மட்டும்
என்மனம் ஏற்கும்
சஞ்சலம் கொள்ளாத
மனமதைத் தாராமல்
வஞ்சனை செய்தாயே
என்றுமே கேட்கும்
சிந்தையில் நீநிற்க
சஞ்சலம் அடிக்கடி
வருவதின் காரணம்
தெரியாது தவிக்கும்
கூடவே இருந்து
கொட்டும் தூதனாய்
வைத்ததின் காரணம்
தன்னையும் தேடும்
எதுவான போதும்
என்மீது நீவைத்த
பாசத்தை எண்ணி
உன்னையே நாடி
மாறாத உன் குணம்
தன்னை நம்பியே
எப்போதும் போல
திருவடிப் பணியும்
குருகுலம், 19-10-202, இரவு, 9.30
1442 எங்கே நிம்மதி
துன்பமே படவென்று
தெரிந்து எடுத்தாயா
தொடர்ந்து அதில்வாழ
என்னையும் அழைத்தாயா
‘நான்தரும் நிம்மதி
உலகம் தாராது’
என்றுமே சொன்னதை
மட்டுமே மறந்தாயோ
‘என் நுகம் எளிது’
என்றுமே சொன்னாலும்
சுமப்பது சிலுவைதான்
என்பதை மறவாதே
அனைத்தையும் விட்டு
வந்திடும் போது
நுறாகத் இதைத்தான்
தருவேன் என்றாயோ
தேடிய முக்தியை
நீயுமேத் தந்தாலும்
தருவதாய்ச் சொன்ன
அமைதியும் எங்கே
அமைதி அறியாத
முக்தியைத் தந்தாலே
அதனால் பயனென்ன
நீயதைச் சொல்வாயே
இறந்தபின் பெறுவது
முக்தி ஆகுமா
அமைதி அறியாத
முக்தியும் இருக்குமா
இதிலுள்ள முரண்டாட்டை
நீயுமே போக்கணும்
இரண்டையும் ஒருசேர
நீதான் தரவேண்டும்
பாடுள்ள உலகில்
வாழ்ந்திடும் வரையில்
அதற்கு வழியில்லை
என்றுமே சொல்லாதே
‘வென்றேன் உலகை’
என்று சொன்னதை
என்வரை மட்டும்
நீயும் மறந்தாயே
வென்றிட வழிதந்து
மனதிலே திடந்தந்து
பாடுகள் மத்தியில்
நிம்மதி தருவாயே
குருகுலம், 19-10-2022, இரவு, 10.30 pm.
1443 என் நம்பிக்கை
எப்படிப் போகும்
இன்றைய இரவும்
என்பதை நீதான்
முடிவு செய்யணும்
எல்லோர்க்கும் வாழ்வு
இயல்பாக இருக்க
எனக்கு மட்டும்
தனியாக இருக்குது
அதுபற்றி உன்னிடம்
நானுமே கேட்டால்
பதில்வர மட்டும்
ஏனோ மறுக்குது
அடுத்தது என்ன
நடக்குமோ என்று
என்பதை எண்ணி
மனதும் தவிக்குது
இதையே வாழ்வின்
இயல்பாய் மாறினால்
இனிநான் சொல்ல
என்ன இருக்குது
நித்திய கண்டம்
பூரண ஆயுள்
என்கிற முதுமொழி
என்வரை சரிதான்’
அப்படி வாழ்வை
அமைத்த உனது
செயலும் என்வரை
என்றும் புதிர்தான்
நாளை என்ன
நடக்கும் என்று
நிச்சயம் எமக்கு
தெரிவது இல்லை
தெரிந்தால் அதன்பின்
இறைய வாழ்வு
நிம்மதியாக என்றும்
இருப்பதும் இல்லை
இப்படியேதான் இனி
வாழ்வும் போகும்
என்பது என்வரை
நிச்சயம் உண்மை
அப்படி அமைத்துநீ
தந்ததின் பின்னே
உன்னிடம் கேட்டும்
பயனுமே இல்லை
ஆகவே வாழ்வு
எப்படிப் போயினும்
அதுபற்றி எனக்கு
கவலையும் இல்லை
மரத்தை வைத்தவன்
நீரும் ஊற்றுவான்
என்பது மட்டுமே
எனது நம்பிக்கை
குருகுலம், 22-10-2022, இரவு, 10.30
1444 பயணத்தை முடிப்பேன்
உருவம் இல்லாத
உறவை அறிந்தேன்
உணர்வும் புரியாத
அருளை அடைந்தேன்
கதி அறியாத
உலக வாழ்வில்
விதியொன்று வகுத்து
நடத்துவாய் அறிவேன்
மதிவழி சென்று
வாழ்வில் மருண்டு
இனிசெய்ய ஒன்று
அறியாது நின்று
தவிக்கும் மானுட
வாழ்வில் நானோ
உன்வழி சென்று
உய்வைக் கண்டேன்
கண்ணுக்குத் தெரியாது
நீநின்ற போதும்
கரம்பற்றி நடத்துறாய்
என்பதை உணர்ந்து
பற்றிய கரத்தை
விட்டு விடாமல்
இறுகப் பற்றி
பயணம் தொடர்வேன்
போகும் பாதையின்
தன்மைப் புரியேன்
சேரும் இடத்தை
நிச்சயம் அறியேன்
ஆயினும் அதுபற்றி
கவலையை விட்டேன்
என்னுடன் நீயும்
வருவதினாலே
ஏதோர் இடத்தில்
புவிழவு முடிந்து
இறுதியில் உன்னிடம்
வந்த பின்பு
நிரந்தரமான ஒரு
இடத்தில் வாழ்ந்து
நிலைத்த வாழ்வை
உன்னிடம் அடைவேன்
அதுவரை உனது
உறவினில் மகிழ்ந்து
அருளை மட்டும்
அனுதினம் நினைந்து
உலக வாழ்வின்
கதியெது வாயினும்
உன்னுடன் இணைந்து
பயணத்தை முடிப்பேன்
குருகுலம், 24-10-2022, இரவு, 11.00
1445
என்னோடு போட்டி
நீ போடலாமோ
இப்படி என்னை
வதைத்திடலாமோ
கெஞ்சிக்
கதறினேன்
நீ கேட்கவில்லை
கண்கொண்டு
என்னைப்
பார்த்திட வில்லை
பிறருக்குப்
புரியாது
நானதை அறிவேன்
உனக்குமாப்
புரியாது
நானென்ன சொல்வேன்
நீயொரு
விளையாட்டை
விளையாட
விரும்பினால்
எப்படி நானும்
தப்பித்துக்
கொள்வேன்
ஆடிடும் களமோ
சமமாக இல்லை
அத்துடன் சமபலம்
நம்மிடை இல்லை
இதிலே என்னையும்
விளையாடச் சொல்வது
எந்த விதத்திலும்
நியாயமே இல்லை
வெல்வது நீதான்
யாவரும் அறிவார்
அந்த வெற்றியை
எவரேற்றுக்
கொள்வார்
முடிவு முன்னமே
தெரிந்த பின்பு
யாரிந்த
விளையாட்டை
வேடிக்கைப்
பார்ப்பார்
விளையாட நேரம்
இதுவுமே இல்லை
வேடிக்கைப்
பார்காக
ஆட்களும் இல்லை
தனியாக
நடந்திடும்
நம்மிந்த சண்டையை
விலக்கி வைக்க
யாருமே இல்லை
இறுதியில் வெற்றி
நீபெற்ற போதும்
அதிலே உனக்கு
இலாபமும் இல்லை
தோல்வியே எனது
வெற்றியாய் மாற
தோற்பதில் எனக்கு
நட்டமும் இல்லை
இதன்பின் போட்டி
நீ போடலாமோ
இலாப நட்டம்
பார்த்திடலாமோ
இருவரும் வெற்றி
பெற்றிடும் போது
இனியும் விளையாடி
பார்த்திடலாமோ
1-1-2022, 3 30 am
Unable to see the
suffering of my mother last night I sobbed with many tears and begged the Lord
not to play this game any more and bring an end to both of us. As I get up 2.30
am, Unable to sleep further I continue to wrestle with the Lord and wrote this poem.
|
|
|
No comments:
Post a Comment